Бајден и неговото семејство моментално разговараат за опциите за третман со своите лекари
На поранешниот американски претседател Џо Бајден му е дијагностицирана агресивна форма на рак на простата која веќе се проширила на неговите коски, соопшти вечерва неговиот личен кабинет, пренесе Си-ен-ен.
„Минатата недела, претседателот Џо Бајден беше подложен на преглед за новооткриен израсток на неговата простата, откако имаше сè поизразени уринарни нарушувања. Во петокот му беше дијагностициран рак на простата, со Глисонов скор од 9 (Група 5), со коскени метастази“,
се вели во соопштението.
Се додава дека станува збор за поагресивна форма на болеста, но туморот е чувствителен на хормони, што овозможува ефикасен третман.
Бајден и неговото семејство моментално разговараат за опциите за третман со своите лекари, се вели во соопштението од неговиот кабинет.