На иницијатива на претседателот на Собранието, Талат Џафери, претпладнево ќе заседава парламентарното претседателство. Состанокот уште ноќеска го најави собранискиот спикер откако ја прекина седницата на која пратениците не успеаја да обезбедат кворум и да го изгласаат петтиот сет антикризни мерки.
На состанокот на претседателството на Собранието ќе присуствуваат Џафери, двајцата потпретседатели Горан Мисовски и Фадил Зендели, како и генералниот секретар на Собранието, Цветанка Иванова.
Џафери на вчерашната седница најави дека ќе побара карантин за Собранието поради отсуство на неколкумина пратеници од владејачкото мнозинство поради ковид-19 и други здравствени проблеми, како и поради одбивањето на опозицијата да направи кворум за да се донесат законите од 32. седница. А не беа донесени ниту законите од петтиот сет антикризни мерки, за кои опозицијата се изјасни дека ќе гласа.