Дваесет и шестгодишната Н.Н. од кочанското село Соколарци се соочува со можна кривична пријава бидејќи на социјалната мрежа Фејсбук објавила недолична содржина.
Како што информира Министерството за внатрешни работи, полициски службеници од Кочани во кооординација со Јавен обвинител, во полициска станица вчера ја повикале Н.Н. во врска со ширење на видео материјал со недолична содржина, односно поради сомнение за сторено кривични дела по член 149 и по член 191 од Кривичниот законик. Овие членови од Кривичниот законик предвидуваат дека поради злоупотреба на лични податоци на друго лице, но и поради врбување, наведување или намамување на лице на проституција ќе се следуваат парични и затоврски казни соодветни на тежината на делото.
„Со неа е извршен службен разговор, при што Н.Н. изјавила дека видеозаписите биле направени со намера да бидат испратени преку ‘Фејсбук’ на друго лице, за што на неа требало да ѝ бидат исплатени пари“,
информираат од МВР.
По целосно расчистување и документирање на случајот, против неа ќе биде поднесена соодветна пријава.