Десетици повредени во ирански напад врз Северен Израел

Службите за итни случаи велат дека меѓу погодените локации се северниот пристанишен град Хаифа, како и најсеверниот округ Дан

Израелските служби за итни случаи објавија дека повеќе од десетина лица се повредени во најновиот напад од Иран на северот од земјата.

Според Израелската национална служба за вонредни ситуации Маген Давид Адом (МДА), три лица, меѓу кои 40-годишен маж, 16-годишно момче и 54-годишен маж, се во сериозна состојба.

Други 20 лица, додаваат од МДА, се здобиле со полесни повреди, главно од експлозијата и шрапнелите.

МДА, исто така, објави дека 51-годишна жена во градот Кармиел починала во засолниште од срцев удар.

Според израелските противпожарни и спасувачки екипи, ирански ракети погодиле неколку локации низ Израел.

Службите за итни случаи велат дека меѓу погодените локации се северниот пристанишен град Хаифа, како и најсеверниот округ Дан.

Израелските власти објавија дека дека е нападната џамија во Хаифа.

„Иранскиот режим штотуку ја нападна џамијата Ал-Јерина во Хаифа, еден од најразновидните градови во Израел“,
се вели во објава на платформата Икс каде е поставено и видео од џамијата.

The Iranian regime just struck Al-Jerina Mosque in Haifa, one of Israel’s most diverse cities.

Watch: pic.twitter.com/LSZVS2q3h9
— Israel ישראל (@Israel) June 20, 2025