Си-ен-ен пренесува дека по неколку часа мир во градот, сирените повторно се огласиле околу 5:30 часот наутро по локално време, додека Русија лансирале втор бран крстосувачки ракети кон Киев
Најмалку две лица се загинати во руски напад на украинскиот главен град Киев што се случил рано утринава, пренесуваат странските агенции.
Нападот бил насочен кон станебни згради и енергетска инфраструктура во неколку области. Во областа Днепровски била погодена деветкатница при што настанал пожар. Пожарникарите го локализирале пожарот, а спасувачките екипи ги пребаруваат урнатините за други можни жртви, соопшти Државната служба за вонредни ситуации.
This was a regular civilian apartment building in Kyiv, right next to mine.
— Oleksiy Sorokin (@mrsorokaa) November 25, 2025
Tonight it was hit by Russia with the only reason to make life of people miserable. At least one person killed as of now. pic.twitter.com/c7HfiLz56L
Овој удар доаѓа по ноќните напади со ракети и беспилотни летала во кои, според украинските власти, загинале две лица, шест се повредени, а 18 лица, меѓу кои три деца биле спасени.
Тимур Ткаченко, началник на воената администрација на Киев, рече дека четири лица се убиени во областа Свјатошински и ја обвини Русија за „намерно таргетирање на цивилната инфраструктура и домувањето“.
Си-ен-ен пренесува дека по неколку часа мир во градот, сирените повторно се огласиле околу 5:30 часот наутро по локално време, додека Русија лансирале втор бран крстосувачки ракети кон Киев.
Јужниот регион Одеса, исто така, била нападнат од беспилотни летала, соопштија украинските воздухопловни сили. Како резултат на нападите биле повредени шест лица, меѓу нив две биле деца.
Нападите предизвикале пожари во објектите за енергетска и пристанишна инфраструктура.
Службите за вонредни ситуации соопштија дека висока зграда била погодена и во областа Печерск во центарот на градот, а пожарот предизвикал штета на три ката пред да биде ставен под контрола.
Украинското Министерство за енергетика го опиша нападот од синоќа како „масовен комбиниран напад врз објектите на енергетската инфраструктура“.
Украинскиот претседател Володимир Зеленски, во порака на социјалните мрежи неколку часа пред руските напади, ги предупреди граѓаните да очекуваат континуирани напади и покрај мировните преговори и ги повика меѓународните партнери да посветат внимание на занемарувањето на дипломатијата од страна на Русија.
„Исто така, мора да бидеме свесни дека Русија нема да попушти со нас, со Украина, со нашиот народ. Овие денови, овие недели, мора да бидеме многу внимателни и да одговориме на предупредувањата за воздушни напади и на сите слични закани за напад. Точно разбираме со кого си имаме работа. И би било фер сите наши партнери – а пред сè американската страна – да ја земат предвид заканата дека ако навистина ја завршуваме војната, тогаш не треба да има ракети, ниту масовни напади врз Украина, врз нашиот народ“,
напиша Зеленски.
We must be cognizant that Russia will not ease its pressure on Ukraine. In these days and weeks, it is essential to take air raid alerts and all similar strike threats very seriously.
— Volodymyr Zelenskyy / Володимир Зеленський (@ZelenskyyUa) November 24, 2025
We clearly understand whom we are dealing with, and all necessary orders have been issued…
Според него, Русија ја има започнато војната и Русија е таа што мора да ја заврши
Нападите доаѓаат во време кога САД вршат притисок врз Киев да прифати мировен план кој е во голема мера во корист на Русија.
Вчера, светските медиуми пренесоа дека преговарачите на САД и на Украина се согласиле за „ажурирана и рафинирана мировна рамка“ и продолжување со „интензивна“ работа на американскиот мировен план за ставање крај на војната меѓу Москва и Киев во наредните денови.
Синоќа, член на украинската делегација која беше дел од средбата со претставници на САД во Женева изјави дека измените кои ги предложи Киев во мировниот план на САД сè уште се финализираат, а најтешките прашања треба да ги решат претседателите на Украина и на САД.