Новосадскиот портал „021“ објави дека утрово имало турканици пред зградата на овој факултет меѓу полицијата и граѓаните што дошле на покана на студентите во блокадата. Деканот на овој факултет, Патрик Дрид, во придружба на полицијата влегол во зградата на факултетот. И неколку студенти влегле во зградата на ДИФ низ прозорците
Во Нови Сад денеска се навршуваат 10 месеци од падот на натстрешницата на железничката станица, кога загинаа 16 лица. По тој повод се повикуваат граѓаните да се соберат и да оддадат почит со 16 минути молчење во 11:52 часот наутро, точно во времето кога се урна натстрешницата. Од 19 часот средношколците ги поканија граѓаните да се соберат на кампусот на Универзитетот во Нови Сад.
Во Белград, пак, студентите и учениците во блокадата најавија комеморативна прошетка вечерва во 18:30 часот.
Од утрово тензична е состојбата пред Факултетот за спорт и физичко образование (ДИФ) во Нови Сад. Таму се собрани граѓани и студенти. Присутно е и полициско засилување. Покрај Интервентната полиција, таму е и единица на жандармеријата.
Деканот на овој факултет, Патрик Дрид, во придружба на полицијата влегол во зградата на факултетот. Истото го направиле и неколку студенти, кои влегле во зградата на ДИФ низ прозорците.
Новосадскиот портал „021“ објави дека утрово имало турканици пред зградата на овој факултет меѓу полицијата и граѓаните што дошле на покана на студентите во блокадата.
И покрај тензиите, студентите и граѓаните најавуваат дека нема да се откажат од своите барања и дека протестите ќе продолжат и во наредните денови.
Novo guranje studenata i građana sa policijom ispred novosadskog DIF-a. pic.twitter.com/fj0YXpOgvb
— Radio 021 (@Radio021) September 1, 2025
Во Србија десет месеци се одржуваат студентски и граѓански протести со барање владата на Српската напредна партија (СНС) да понесе одговорност за смртта на 16 лица при падот на натстрешницата на главната железничка станица во Нови Сад на 1 ноември минатата година.
Дел од тие протести се и блокадите на факултетите.
ДИФ е вториот факултет на Универзитетот во Нови Сад каде што деканот повика полиција. Од 26 август полицијата е на Филозофскиот факултет, каде што почетокот на испитната сесија беше најавен за 1 септември.
Филозофскиот факултет во Нови Сад е првиот во кој се случи студентска блокада во декември минатата година. Потоа следуваа блокади и на другите факултети.