На состанокот ќе се разговара за можноста за промена на методологијата во однос на порастот на пензиите, која би се донела низ дијалог со сите од засегнатите страни, како што претходно најавија премиерот Ковачевски и вицепремиерот за економски прашања Фатмир Битиќи
Првиот состанок за најавеното зголемување на пензиите се очекува да започне денеска, а на него, според најавите, треба да учествуваат сите засегнати страни кои низ дијалог ќе го донесат најприфатливото решение.
На состанокот ќе се разговара за можноста за промена на методологијата за порастот на пензиите која би се донела низ дијалог со сите од засегнатите страни, како што претходно најавија премиерот Ковачевски и вицепремиерот за економски прашања Фатмир Битиќи.
„Во однос на методологијата, имавме веќе едно покачување на пензиите, а следува и уште едно покачување на пензиите, меѓутоа низ досегашните разговори и барања на асоцијациите на пензионерите како и низ анализите кои претходно беа правени, веќе се пристапи кон разговори од кои што треба да произлезе нова методологија за пораст и усогласување на пензиите. Тоа е значајно затоа што на таков начин ќе може да се обезбеди континуиран и соодветен раст на пензиите бидејќи пензионерите тоа го заслужуваат“,
изјави премиерот Ковачевски.
Од Владата најавуваат и пакет финансиска поддршка за пензионерите имајќи ја предвид енергетската и економска криза.