Делегацијата на Северна Македонија ја предводи шефот на дипломатијата Бујар Османи, а во нејзин состав се и министрите за одбрана Славјанка Петровска, за економија Крешник Бектеши и за култура Бисера Костадиновска-Стојчевска. Дополнително, преку видеоконференциска врска на Стратешкиот дијалог ќе се приклучи и вицепремиерката задолжена за политики за добро владеење Славица Грковска
По завршувањето на Стратешкиот дијалог предвидено е да биде донесена заедничка изјава меѓу Северна Македонија и САД, со која ќе бидат реафирмирани заедничките заложби за понатамошно надградување на билатералните односи и соработката меѓу двете земји
Денеска во Вашингтон започнува Стратешкиот дијалог помеѓу Северна Македонија и САД, во чиј фокус, меѓу другото, ќе бидат темите од областа на регионалната соработка, одбраната и безбедноста, енергетиката, економската соработка, трговијата и инвестициите, културната соработка, како и прашањата од областа на образованието, демократскиот развој и борбата против корупција.
Воедно, на разговорите ќе стане збор и за евроинтеграциите на земјава и регионот, идното претседавање на Северна Македонија со ОБСЕ во 2023 година, како и за актуелните безбедносни предизвици и нивните импликации врз трансатлантската безбедност.
Делегацијата на Северна Македонија ја предводи шефот на дипломатијата Бујар Османи, а во нејзин состав се и министрите за одбрана Славјанка Петровска, за економија Крешник Бектеши и за култура Бисера Костадиновска-Стојчевска. Дополнително, преку видеоконференциска врска на Стратешкиот дијалог ќе се приклучи и вицепремиерката задолжена за политики за добро владеење Славица Грковска. Официјален домаќин од американска страна ќе биде помошникот државен секретар Карен Донфрид, која неодамна ја посети Северна Македонија.
По завршувањето на Стратешкиот дијалог предвидено е да биде донесена заедничка изјава меѓу Северна Македонија и САД, со која ќе бидат реафирмирани заедничките заложби за понатамошно надградување на билатералните односи и соработката меѓу двете земји.
Во рамки на престојот на Вашингтон, предвидено е членовите на владината делегација да остварат повеќе билатерални средби, а како што е најавено, Османи ќе има билатерални средби со високи државни претставници на САД, како и истакнати личности од граѓанскиот сектор и тинк-тенк организации.