Со недели, Индонезија, земја со околу 270 милиони жители, соопштува за илјадници случаи на новозаразени и стотици починати на дневно ниво, причината е заразниот делта-сој кој ја пустоши земјата
Социјалните мрежи се преплавени со објави на луѓе кои ги изгубиле најблиските, болниците се блиску да останат без залихи, багерите деноноќно копаат гробови, а изолацијата останува невозможна за милиони кои мораат да заработат за да го прехранат семејството.
Земјата се соочува и со дополнителен предизвик – широко распространета, неконтролирана дезинформација за ковид-19, како и ниска стапка на вакцинација, само околу 6% од населението е имунизирано. Со повеќе од 2.7 милиони заразени и повеќе од 70.000 мртви, стравувањата се дека Индонезија се уште не го достигнала врвот.
Како ова се случи
Во поголемиот дел од минатата година, Индонезија успеа да ја задржи епидемијата на ковид-19 во голема мерка под контрола. Потоа, кога бројот на новозаразени почна да расте овој јуни, вирусот неконтролирано да се шири, дојдоа оценките дека Индонезија е „на работ на ковид-19 катастрофа“.
Земјата забележа „драматично зголемување на потврдени случаи“ по празничните денови, изјави министерот за здравство, Буди Гунади Садикин. Брзото ширење на заразата го објасни со појавата на делта-сојот. Од 10 јули Индонезија е во карантин, но сепак, дневно се известува за 30.000 нови случаи. Владата соопшти дека ги мобилизира сите ресурси за справување со новиот бран на ковид-19, што дури вклучува и барање боци за кислород од други земји.