Претседателот Володимир Зеленски го одобри составот на делегацијата за разговорите која ќе ја предводи шефот на неговиот кабинет и ќе вклучува високи безбедносни претставници, според соопштението од неговиот кабинет на Телеграм
Киев ќе одржи консултации со САД во Швајцарија за прекинување на војната на Русија против Украина, изјави денеска висок украински безбедносен функционер.
„Почнуваме консултации во Швајцарија меѓу високи функционери на Украина и САД за можните параметри на идниот мировен договор. Го цениме учеството на американската страна и нејзината подготвеност за суштински разговори“,
напиша на Телеграм Рустем Умеров, секретар на Советот за национална безбедност и одбрана.
Умеров ја измени објавата, без да наведе причина, откако во претходната верзија беше наведено дека разговорите ќе се одржат со учество на европски партнери.
Претседателот Володимир Зеленски го одобри составот на делегацијата за разговорите која ќе ја предводи шефот на неговиот кабинет и ќе вклучува високи безбедносни претставници, според соопштението од неговиот кабинет на Телеграм.
Тој, исто така, ги одобри упатствата за преговорите.
„Украина никогаш нема да биде пречка за мирот, а претставниците на украинската држава ќе ги бранат легитимните интереси на украинскиот народ и темелите на европската безбедност“,
се вели во соопштението на украинското претседателство.