Екипажот на „Артемис II“ се наоѓа на најдалечната точка во вселената до која некогаш отпатувал човекот достигнувајќи максимална оддалеченост од 252 752 милји од Земјата
Астронаутите на „Артемис II“ го соборија рекордот за најдалечното човечко патување од Земјата поставен од мисијата „Аполо 13“ во 1970 година.
Известувајќи за најновата пресвртница за човештвото, Националната администрација за аеронаутика и вселена (НАСА) објави дека екипажот на „Артемис II“ во моментов се наоѓа на најдалечната точка во вселената до која некогаш отпатувал човекот, достигнувајќи максимална оддалеченост од 252 752 милји, односно 406 764 километри од Земјата.
„Ова го надминува претходниот рекорд поставен од ‘Аполо 13’ во 1970 година за околу 4 102 милји“,
објави НАСА.
A new milestone for humankind: The crew of Artemis II are now the farthest any human has ever travelled, reaching a maximum distance of 252,752 miles from Earth.
— NASA (@NASA) April 6, 2026
This surpasses the previous record set by Apollo 13 in 1970 by about 4,102 miles. pic.twitter.com/DbLFvvdEfT
Откако ќе ја достигне најоддалечената точка до која некогаш стигнал човекот во вселената, вселенското летало „Орион“ ќе заобиколи околу другата страна на Месечината и ќе почне да се враќа кон Земјата.
Досегашниот рекорд за човечката оддалеченост од Земјата беше поставен во 1970 година од тројцата астронаути на мисијата „Аполо 13“ на НАСА, кој изнесуваше 248 655 милји, односно 400 171 километри.