Во протоколите за изборите треба уште да се допрецизира како ќе се спроведува гласањето во домашни услови
Членовите на избирачките одбори нема да одат во изолација по денот на изборите бидејќи, доколку се преземат мерките за заштита, нема причина за тоа, рече министерот за здравство Венко Филипче одговарајќи на новинарско прашање дали се вистинити некои неофицијални информации дека членовите на избирачките одбори по денот на изборите ќе одат во седумдневна изолација.
„Доколку секој се придржува до мерките за заштита нема потреба од изолација. Со тоа секојдневно се соочуваат медицинските лица кои се грижат за заболените и кога се применуваат мерките за заштита нема потреба од изолација“,
рече Филипче.
Во врска со вчерашните информации од ДИК дека е можна промена во протоколите за изборите, Филипче рече дека вчера имал средба со претседателот на ДИК, Деркоски, на која се потврдени протоколите и дека единствено има некои дилеми во однос на спроведување на гласањето на лица кои се на домашно лекување, во самоизолација и со хронични болести кои ќе гласаат во домашни услови во контекст на спроведување на здравствените протоколи, што дополнително треба да се договори.