Се одложува и следното рочиште закажано за 29 март, а расправата се поместува за 5 април
Денешното и следното рочиште за предметот „Титаник“ (29 март) се одложени поради изолација на член на судечкиот совет, соопштија од Основниот кривичен суд Скопје.
Следната расправа е закажана за 5 април, потоа за 9, 12, 14, 16, 18, 21, 26 и 28 април.
Освен поранешниот премиер Никола Груевски, кој е во бегство, во „Титаник“ се обвинети и Кирил Божиновски, Миле Јанакиевски, Гордана Јанкуловска, Билјана Бришкоска-Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Маријан Накески, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.
Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.
Судењето за овој случај го води судијата Осман Шабани, додека обвинението го застапува обвинителката Лиле Стефанова.