Од Центарот со управување со кризи информираат оти до утринава петнаесет од вкупно 22 пожари на отворен простор се изгаснати
Четири активни пожари сè уште беснеат во земјава, информираа од Центарот за управување со кризи (ЦУК). Оттаму велат дека до 8 часот утринава на територија на целата држава се евидентирани 22 пожари на отворен простор, од кои четири се активни, три се под контрола, а петнаесет се изгаснати.
Активни се пожарите во Општина Василево кај селото Нивичино, каде што горат нискостеблеста шума, смрека, грмушки и ниска вегетација, потоа во Општина Македонски Брод кај селото Грешница, како и кај селата Црешнево, Локвица и Крапа и во Општина Прилеп кај селата Царевиќ и Смолан.
„Под контрола се пожарите кај с. Желино кон Еребино на планина Жеден (нискостеблеста шума, грмушки и ниска вегетација), кај селата Џидимирци, Крушје и Иванковци во Општина Велес (мешана нискостеблеста деградирана шума) и помеѓу селата Октиси и Белица во Општина Струга (сува трева)“,
велат од ЦУК.