Каримански е актуелен пратеник од Има таков народ на Слави Трифонов, меѓутоа тој немаше поддршка од преостанатите три коалициски партнери во власта
Народното собрание на Бугарија не го одобри предлогот Љубомир Каримански од Има таков народ (ИТН) да биде да биде нов гувернер на Бугарската народна банка (БНБ).
Предлогот не помина ниту при повторното гласање кое го бараше опозициската ГЕРБ на Бојко Борисов.
„За“ гласаа 58, „против“ 36, а „воздржани“ беа 94 пратеници. Прагот за одобрување на кандидатурата беше релативно низок, поточно беа потребни само 69 гласа од вкупно 240.
„Повеќето од оние што не гласаа за мене лично ми кажаа дека ме поддржуваат, но поради политичка одлука нема да можат да гласаат онака како што сакаат“,
изјави Каримански откако неговата кандидатура не доби зелено светло.
Каримански е актуелен пратеник од ИТН и е претседател на собраниската Комисија за буџет.
Меѓутоа, тој ја немаше поддршката од преостанатите три коалициски партнери во владата: коалицијата „Продолжуваме со промените“, Демократска Бугарија и Бугарската социјалистичка партија (БСП). Поддршка доби само од својата партија, Има таков народ.
Токму нивните пораки дека тој не е заеднички кандидат и нагласувањето дека коалицискиот договор предвидува да имаат заедничка кандидатура, наспроти ИТН, која до крај остана зад кандидатурата, се закануваа дека ќе ја разнишаат и владејачката коалиција.
Тоа уште повеќе ги подгреаја изјавите од ГЕРБ чии пратеници испраќаа пораки дека ќе го поддржат Каримански.
„Вашата коалиција е на работ на распаѓање, дури и на работ на самодеинтеграција“,
рече Десислава Атанасова од ГЕРБ во собраниската дебата.
Таа застана во одбрана на кандидатот на ИТН, а по трите коалициски партнери на Има таков народ ги праша како Каримански за нив е добар да го изберат за претседател на собраниската Комисија за буџет, но не и за гувернер.
Сепак, во гласањето Каримански доби гласови „за“ само од ИТН и пратениците од опозициската ДПС.