Од 24 февруари, првиот чекор е секој објект во Бугарија да дозволи влез за лица без зелен сертификат, но за вработените ќе остане условот да поседуваат ваков документ
Бугарија влегува во втора и трета фаза од пандемијата, а се очекува земјата за краток период да стигне до првата фаза, што значи дека наскоро цела Бугарија ќе биде во зелената зона, изјави премиерот Кирил Петков.
Според Петков, до 20 март ќе може да се укинат сите ограничувања во земјава, а зелениот сертификат ќе остане единствениот актуелен документ што ќе важи во европската регулатива за патување.
Од 24 февруари, првиот чекор е секој објект во Бугарија да дозволи влез за лица без зелен сертификат, но за вработените ќе остане условот да поседуваат ваков документ.
Во образовните центри и училиштата ќе биде дозволено да учат до 12 деца.
Следниот битен датум е 5 март – доколку дотогаш работите се развиваат позитивно, без зелен сертификат ќе бидат можни и активности и услуги во објекти од јавен интерес.
„На 20 март ќе може да се соопшти дека посетите на дејности и услуги се одвиваат без сертификат, како и без потврда за персоналот. Зелениот сертификат ќе важи за олеснет режим на патување“,
изјави главниот санитарен инспектор на Бугарија Ангел.