Бугарија дозволи прелет на рускиот државен авион, Лавров ќе може да слета во Скопје

Македонија веќе дозволи авионот на рускиот министер за надворешни работи Лавров да слета во Скопје за да учествува на министерскиот состанок на ОБСЕ

Бугарија го отвори воздушниот простор за летот на рускиот министер за надворешни работи Сергеј Лавров, кој треба да учествува на состанокот на министрите за надворешни работи на Организацијата за безбедност и соработка во Европа (ОБСЕ) што ќе се одржи на 30 ноември и ќе продолжи на 1 декември во Скопје.

За ова денеска за државната руска агенција ТАС го изјави руската амбасадорка во Софија, Елеонора Митрофанова.

„Тој доби позитивен одговор на нашата нота за авионот на Лавров кој лета низ бугарскиот воздушен простор“,

рече таа.

Претходно, портпаролот за надворешна политика на Европската Унија (ЕУ), Петер Стано, изјави дека планираното патување на Лавров во Северна Македонија на министерскиот состанок на ОБСЕ нема да се смета за кршење на европските санкции.

Владата потврди: МНР и Одбрана ќе одлучат дали ќе одобрат слетување на авионот на Лавров во Скопје

Македонија веќе дозволи авионот на рускиот министер за надворешни работи Лавров да слета во Скопје за да учествува на министерскиот состанок на ОБСЕ.

Османи: Со Петровска сме на иста линија ако Лавров доаѓа во билатерална посета, но мора да се направи разлика, тој не доаѓа во Скопје, туку во ОБСЕ

Министерот за надворешни работи Бујар Османи не можеше да каже дали на неформалната вечера ќе присуствуваат и рускиот и украинскиот министер бидејќи, како што нагласи, агендите на сите министри се различни и според тоа не мора да значи дека сите министри ќе бидат присутни сите три дена.

Шефот на руската дипломатија Сергеј Лавров рече дека Северна Македонија ги поканила да присуствуваат на состанокот на министрите за надворешни работи на ОБСЕ.

„Бугарија наводно ѝ ветила на Северна Македонија дека ќе го отвори својот воздушен простор. Ако го направи тоа, ние ќе бидеме таму. Да почекаме и да видиме“,

изјави Лавров.