Според него, треба да се биде претпазлив во прогнозата колку брзо ќе се придвижуваат работите, бидејќи ние имаме многу повеќе направено отколку бугарската страна и на тој начин ќе успееме да ја подобриме климата кај нас
Поранешниот специјален претставник на Владата во преговорите со Софија Владо Бучковски во емисијата 24 анализа на ТВ 24 изјави дека новите преговори меѓу Македонија и Бугарија ќе водат кон придвижување и кон враќање на довербата и ќе треба да почекаме да почнат со работа работните групи.
„Идеален рок за првите очекувања ќе бидат во првите трите месеци, за мене е важно кој се ќе влезе во тие групи. Проблемите не се само политички, двете општества се реално оддалечени едно од друго многу повеќе отколку пред година ипол. За една недела се направи многу повеќе одошто за една година. Во Бугарија има една критичка јавност која не е превладувачка, но која прави реални анализи. Доминира повеќе говорот на омраза кај бугарските политичари“,
рече Бучковски.
Според него, треба да се биде претпазлив во прогнозата колку брзо ќе се придвижуваат работите, бидејќи ние имаме многу повеќе направено отколку бугарската страна и на тој начин ќе успееме да ја подобриме климата кај нас.
Тој смета дека не треба да се брза ни со работата на мешовитата историска Комисија.
„Нема потреба од форсирање и од брзање. Таму повеќе работи се случуваат меѓу двете заседанија на Комисијата. Таму постојано се разменуваат автентични документи и мислења, врз основа на кои треба да се постигнат резултати“,
рече Бучковски.