Поради големината на самата експлозија, се претпоставува дека лошото складирање хемикалии во контејнерите во пристаништето Раџаи е една од можните причини
Бројот на загинати при вчерашната експлозија во пристаништето Раџаи во јужниот ирански град Бандар Абас се зголеми на 18, а бројот на повредени на повеќе од 800.
Сѐ уште нема информации за причината за експлозијата, објави иранската државна новинска агенција ИРНА.
Сепак, поради големината на самата експлозија, се претпоставува дека лошото складирање хемикалии во контејнерите во пристаништето Раџаи е една од можните причини. На ова пристаниште, меѓу другото, пристигнуваат и резервоари со нафта. Претседателот Масуд Пезешкијан нареди целосна истрага за причините за инцидентот.
Пристаништето се наоѓа близу градот Бандар Абас и преку него се одвива една третина од иранската поморска трговија.