Статистичките податоци покажуваат дека во периодот јануари – август годинава, во однос на истиот период од претходната година, бројот на туристите е зголемен за 35,1 процент, при што кај домашните има зголемување за четири проценти, а кај странските зголемувањето е за 87,8 проценти
Бројот на туристи во државава во август годинава изнесувал 190 855, од кои 60,9 отсто се домашни туристи, а 39,1 отсто се странски, објави денеска Државниот завод за статистика. Во август годинава се регистрирани 835 016 ноќевања, од кои 77,7 отсто од домашните и 22,3 од странските туристи.
Од евидентираните вкупно 74 673 странски туристи, најмногубројни биле од Турција, 11 017, по што следат тие од Србија, 7 317, Полска 5 570, Романија, 4 875, Германија, 4 353, САД , 2 347, Грција, 2 287, Италија и Бугарија над 1 800, Словенија, 1 747, Израел 1 479, …. Езерските места во државава во август ги посетиле 129 616 туристи, во Скопје престојувале 36 442, додека во планинските и бањските места имало 7 923, односно 3 647 туристи. Хотелско сместување користеле 95 622, а куќи, станови за одмор и соби за издавање над 80 400.
Статистичките податоци покажуваат дека во периодот јануари – август годинава, во однос на истиот период од претходната година, бројот на туристите е зголемен за 35,1 процент, при што кај домашните има зголемување за четири проценти, а кај странските зголемувањето е за 87,8 проценти.
Во првите осум месеци од оваа година, споредено со истиот период лани, кај ноќевањата е евидентирано зголемување за 20,1 отсто, кај домашните туристи за 2,4 отсто, а кај странските за 78,3 отсто.