На еден од списоците може да се забележи дека има пациенти на возраст од 17 до 46 години. Повредените се прифатени на повеќе одделенија – пластика, детско, интензивна нега итн.
Министерството за задравство објави дека во моментов се хоспитализирани 152 пациенти во различни здравствени установи низ државата во кои им се дава неопходна медицинска помош.
„Со длабоко сочувство кон семејствата и блиските на сите засегнати од трагедијата во Кочани, Министерството за здравство изразува солидарност и поддршка во овие тешки моменти. Веднаш по несреќата, здравствениот систем беше целосно мобилизиран, а сите болнички капацитети се ставени во функција за да се обезбеди најдобра можна грижа за повредените. Во моментов, 152 пациенти се хоспитализирани во различни здравствени установи низ државата, каде што им се пружа неопходна медицинска помош“,
соопшти Министерството за здравство.
Ова е списокот на распределба на хоспитализираните пациенти:
Детска хирургија – 4
Клиника за пластична хирургија – 11
Клиничка болница Штип – 45
Општа болница Кочани – 30
Св. Наум Охридски – 29
8 Септември – 17
КАРИЛ – 16
Детска хирургија – 3
КАРИЛ – 7
Градска општа болница – 5
Стара Градска – 3
Министерот за здравство Арбен Таравари во најновата изјава дадена пред Ургентниот центар, рече дека 18 од хоспитализираните пациенти се во критична состојба. Сепак, како што рече, состојбата постојано се менува. Тој дополни дека меѓу пациентите има и малолетници.
Според Таравари, засега клиниките имаат капацитет да се справат со оваа ситуација и да им ја укажат потребната помош на повредените но, доколку има потреба, некои од повредените ќе бидат пренесен во некоја од болниците во соседните држави за што веќе добил понуди.
Министерот рече дека наскоро ќе биде отворена телефонска линија на која блиските на сите хоспитализирани ќе може да се информираат за состојбата на пациентите. Повтори оти на клиниките има доволно количини крвни единици и потребни лекови.
„Министерството за здравство ја уверува јавноста дека сите расположливи ресурси се ставени во функција и дека ниту еден пациент не е оставен без неопходна грижа. Наш приоритет останува спасувањето животи и обезбедувањето најдобри можни услови за закрепнување на повредените. Изразуваме благодарност до сите опшествено-одговорни граѓани и субјекти кои помагаат во овие тешки моменти и доброволно понудија помош“,
соопшти претходно Министерството за здравство.
Од Министерството ги соопштија и телефонските броеви за информации за состојба на пациентите:
ГОБ „8 Септември“ – 071226764
Клинички центар- 070387115
„Свети Наум Охридски“ – 075203026
Претходно, локалната штипска ТВ Стар на својот фејсбук-профил објави два списоци за кои пишува дека се со пациенти повредени во пожарот во дискотеката во Кочани.
На списоците пишува дека се од Градската општа болница „8 Септември“ и старата градска болница, а сега Универзитетска клиника за хируршки болести „Свети Наум Охридски“ во Скопје.
На еден од списоците може да се забележи дека има пациенти на возраст од 17 до 46 години. Повредените се прифатени на повеќе одделенија – пластика, детско, интензивна нега итн.
Инаку, рано утрово, околу три часот по полноќ, избувна страотен пожар во дискотеката „Пулс“ во Кочани. Според првичните информации, најмалку 51 лице загина.
Од утрото роднини и пријатели на повредените се пред болниците и клиниките барајќи ги блиските и чекајќи информација за нивната здравствена состојба.