Според ВМРО-ДПМНЕ, земјата се турка во епидемиски неконтролиран пожар, само заради каприц и политички хир
Досега 137 111 македонски државјани ги дале своите податоци, соопштија денеска од Државниот завод за статистика и оценуваат дека самопопишувањето на дијаспората се интензивира.
Денешната состојба, велат од ДЗС, покажува дека за еден ден се попишале 7 102 македонски државјани.
„Се надеваме дека ова темпо на попишување ќе продолжи сè до крајот на пописот 2021, на 21 април.
се наведува во соопштението.
Ги покануваме сите наши иселеници да ја искористат можноста и да одговорат на прашањата
во апликацијата. За сите нејаснотии во врска со методологијата на попишувањето или какви
било технички проблеми, Државниот завод за статистика им стои на располагање со
отворените линии за комуникација, достапни на веб-страницата popis2021.stat.gov.mk“,
ВМРО-ДПМНЕ, пак, и натаму смета дека пописот треба да биде одложен поради ситуацијата со ковид-19.
„Заев ја турка Македонија во епидемиски неконтролиран пожар, само поради каприц и политички хир. Ова веќе не е статистичка, туку политичка операција на Заев, кој е тотално одлепен од реалноста. Уште еднаш да предупредиме дека 5 500 попишувачи ќе треба да влезат во секое домаќинство во државата. Голем број од нив може да бидат асимптоматски, а да заразат хронично болни или стари луѓе, по што последиците по тие луѓе ќе бидат фатални“,
велат од ВМРО-ДПМНЕ.
Од СДСМ, пак, уверуваат дека пописот ќе се спроведе согласно со сите здравствени протоколи. Според владејачката партија, државата има капацитет и е гарант дека во најголемата статистичка операција целосно ќе биде заштитено здравјето на граѓаните и на попишувачите.