На Велика Британија ѝ се придружија Шведска, Франција, Холандија и Германија во обвинувањето на Русија дека е одговорна за труењето
Опозицискиот руски лидер Алексеј Навални е убиен со употреба на отров развиен од токсин од отровна жаба, соопшти британското Министерство за надворешни работи.
Британското МНР го нарече „варварски чин“ убиството на Навални со токсинот и проценија дека „само властите на Владимир Путин“ можат да го спроведат тоа.
Се уште не е јасно како отровот бил применет врз Навални.
Две години по смртта на Навални во казнена установа во Сибир, Велика Британија го обвини Кремљ откако анализираше примероци пронајдени на неговото тело.
На Велика Британија ѝ се придружија Шведска, Франција, Холандија и Германија во обвинувањето на Русија дека е одговорна за труењето.
Министерството за надворешни работи објави дека Велика Британија ја известила Организацијата за забрана на хемиско оружје за наводното кршење на Конвенцијата за хемиско оружје од страна на Русија.
Навални, борец против корупцијата и најгласен руски опозициски лидер, почина во затвор на 16 февруари 2024 на 47-годишна возраст.