Армин Лашет и Маркус Зедер сакаат да бидат кандидати за местото канцелар на кое Меркел е од 2005 година
Анкетите му даваат многу поголема предност на изборите на Зедер, гувернерот на Баварија, но Лашет, гувернер на провинцијата Северна Рајна-Вестфалија, е претседател на најсилната партија во земјата
Двајцата претенденти за лидер на владејачката германска конзервативна коалиција на претстојните избори се најдоа под уште поголем притисок да ја прекинат битката за моќ и да се договорат кој од нив ќе биде кандидат за наследник на канцеларката Ангела Меркел.
Лидерите на двопартиската коалиција во повеќедецениската коалиција, Христијанско-демократската унија (ЦДУ) и Христијанско-социјалната унија (ЦСУ), Армин Лашет и Маркус Зедер изразија желба да бидат кандидати за канцелар на парламентарни изборите избори на 26 септември.
Анкетите му даваат многу поголема предност на изборите на Зедер, гувернерот на Баварија, но Лашет, гувернер на провинцијата Северна Рајна-Вестфалија, е претседател на најсилната партија во земјата со години.
Германската министерка за одбрана Анегрет Крамп-Каренбауер, која Лашет ја замени на чело на ЦДУ, ги повика двајцата кандидати да постигнат договор.
Членот на ЦДУ, Фридрих Мерц, кој беше поразен од Лашет во трката за претседател на партијата во јануари, исто така ги повика двајцата кандидати да се договорат.
„Постигнете договор. На оваа земја и требаат добри изгледи. На оваа земја и треба лидерство“,
рече Мерц.
Поделбата во рамките на ЦДУ околу кандидатот за канцелар на коалицијата продолжува да ја комплицира одлуката што многумина ја бараат, стравувајќи дека продолжувањето на борбата меѓу Лашет и Зедер може да предизвика дополнителна штета на конзервативците.
Меркел, која е канцеларка од 2005 година, пред две и пол години објави дека нема да се кандидира за петти мандат на чело на Владата.
Кандидат на Социјалдемократската партија на Германија за канцелар ќе биде министерот за финансии, Олаф Шолц, додека Зелените ќе објават в понеделник дали ќе ја предложат Аналена Бурбок или Роберт Хабек, кои се копретседатели на таа партија.