Безбедносните сили, вклучувајќи ја и армијата, ја опколиле областа и се справуваат со ситуацијата со голема претпазливост, бидејќи се сомневаaт дека сè уште има терористи во штабот на граничната полиција
Тројца бомбаши самоубијци го нападнаа седиштето на паравоената сила во пакистанскиот град Пешавар, при што загинаа најмалку тројца припадници на безбедносните сили, а се ранети најмалку петмина, пренесува Ројтерс.
Според тамошната полиција, напаѓачите отвориле оган додека насилно влегувале во седиштето на граничната полиција во градот Пешавар пред да се разнесат во комплексот.
„Првиот бомбаш самоубиец изврши напад врз главниот влез на полицијата, а другите влегоа во комплексот“,
соопштија оттаму.
Безбедносните сили, вклучувајќи ја и армијата, ја опколиле областа и се справуваат со ситуацијата со голема претпазливост, бидејќи се сомневаaт оти сè уште има терористи во штабот на граничната полиција.
Петте ранети лица, вклучувајќи и две паравоени, се однесени во болницата „Лејди Ридинг“.
Досега ниту една милитантна група не ја презеде одговорноста за нападот. Исламистичките милитанти што дејствуваат во регионот ги засилија нападите по гранични судири меѓу Пакистан и Авганистан минатиот месец.
Пакистан ги обвинува авганистанските талибанци за засолнување на милитантите, за кои вели дека извршуваат прекугранични напади. Овие наводи Кабул ги негира.
🚨 Peshawar, Pakistan | Massive attack on Pakistani security forces at the Frontier Corps HQ in Saddar, Peshawar.
— The News Drill (@thenewsdrill) November 24, 2025
Pakistani media confirm two suicide bombings one at the main gate and another at the motorcycle stand. Intense gunfire continues inside the FC complex, suggesting… pic.twitter.com/sAdhlJInxE