Бојкотот на железничарите заврши, возовите повторно сообраќаат

Железничкиот сообраќај во земјава од седум часот утрово беше во прекин поради неисплатениот надомест за материјални трошоци што машинскиот и извршниот персонал на „Железници транспорт“ требал да го добие заклучно со вчера

Бојкотот на железничарите заврши, а возовите во земјава повторно сообраќаат, откако претходно сабајлево железничкиот сообраќај беше запрен поради бојкотот на машинскиот и извршниот персонал на „Железници транспорт“.

„Железничкиот сообраќај веќе не е во прекин. Го прифативме договорот надоместокот за материјални трошоци да ни биде исплатен во понеделник“,

изјави претставникот на машинскиот персонал, Душко Чакаровски.

Железничкиот сообраќај во земјава од седум часот утрово беше во прекин поради неисплатениот надомест за материјални трошоци што машинскиот и извршниот персонал на „Железници транспорт“ требал да го добие заклучно со вчера.

Утрово, пред седум часот, сообраќаа само две лини, за Битола и за Гевгелија, по што сообраќајот беше во целосен прекин.

Железничкиот сообраќај од утре во прекин – машиновозачите повторно не ја добиле платата навреме

Бојкотот беше согласно Одлуката од ноември лани која предвидува најдоцна до 25 во месецот на машинскиот и извршниот персонал да им биде во целост исплатена платата за претходниот месец, а најдоцна до 10 во месецот да ги добијат и материјалните трошоци.