Од Блупринт-групата реагираат дека овој Извештај на ЕК е еден од ретките каде што е констатирано дека во делот на правосудството не е забележан прогрес, што од аспект на исполнување на критериумите од поглавјата 23 и 24 претставува целосно руинирање на сите досегашни постигнувања и напредок токму во овој сегмент
И покрај напорите кои ги прави граѓанскиот сектор преку Блупринт-групата за реформи во правосудството, преку следење на работата и институционална поддршка на судовите и правосудните институции, за жал, Европската комисија констатира отсуство на напредок токму во овој дел, се вели во соопштението на Блупринт-групата за реформи во правосудството.
„Блупринт-групата за реформи во правосудството, тргнувајќи од постулатот дека граѓанските организации имаат значајна улога во демократскиот систем, реформските процеси, заштитата на човекови права и владеењето на правото, веќе подолго време апелира за значајни состојби во правосудството и законодавните процеси на кои им треба итно внимание и итни мерки за надминување на предизвиците“,
се вели во соопштението.
Од Блупринт-групата реагираат дека овој Извештај на ЕК е еден од ретките каде што е констатирано дека во делот на правосудството не е забележан прогрес, што од аспект на исполнување на критериумите од Поглавјата 23 и 24 претставува целосно руинирање на сите досегашни постигнувања и напредок токму во овој сегмент.
„За жал, ЕК констатира отсуство на напредок токму во овој дел, што се должи на неодговорното, непрофесионалното и неетичко однесување на функционерите, што е очигледно и од драстично намалената доверба кај граѓаните и најниската можна оцена во делот на европските интеграции“,
нагласуваат од Блупринт-групата.
Оттаму велат дека забелешките нотирани во Извештајот за 2023 година на ЕУ ги потврдуваат реакциите на групата за состојбите во правосудството и законодавните процеси.
„Интервенциите кои Блупринт-групата ги имаше во 2023 година се јасно нотирани како суштинска реакција на појавите и постапувањата пред сè на Судскиот совет на РСМ, кој во Извештајот за напредок на ЕК за 2023 година е детектиран како генератор на загриженост за независноста на судството. Оваа констатација произлегува по скандалозното разрешување на претседателката на ССРСМ и отсуство од конкретна акција за сочувување на независноста и самостојноста на Судскиот совет што е нотирано од страна на ЕК“,
посочуваат од Блупринт-групата.
Според групата, Европската комисија во извештајот ја оценува состојбата во правосудството како непроменета и без напредок.
се вели во соопштението од Блупринт-групата.
„Во извештајот е потенцирано дека Судски совет на РСМ треба да се стреми кон интегритет и независност на судии, како и да се спротивстави на секакво надворешно влијание, додека контроверзното разрешување на претседателката на Судски совет на РСМ ја зголеми загриженоста за несоодветни политички влијанија, како и почитување на законски пропишани процедури и начела“,
Оттаму додаваат и дека Европската комисија упатува на минатогодишните препораки кои не се спроведени, а кои се однесуваат на: донесување нова стратегија за реформи во правосудство 2023–2027 без одлагање, како и ревидирање на целосна законодавна рамка за севкупно функционирање на Судскиот совет на РСМ со цел зајакнување на владеењето на правото, транспарентноста и независноста.
„Во оваа насока и изборните процеси од Советот на јавни обвинители во Извештајот се оценети како такви кои немаат придонес кон градење јавна доверба во транспарентноста и владеење на правото, бидејќи не се воспоставија критериуми за квалификација, како и посочување дека сè уште е присутна потреба од образложување на одлуките. Дополнително, како сериозно загрижувачко прашање останува да се провлекува можното надворешно влијание во процесите на Советот на јавни обвинители“,
се вели во соопштението.
Блупринт-групата се осврнува и на извештајот на ЕК во делот на злоупотребата на европското знаменце при носење на законите.
„Во извештајот се потврдува нашиот став дека со користење на ’европското знаменце’ се воведоа намалени казни за кривични дела на корупција, без разлика што овие измени не се однесуваа за усогласување на националното со европското законодавство. Конкретните измени на Кривичниот законик се оценети како загрижувачки бидејќи влијаат на кривичните постапки, го ограничуваат обемот на истрагите и ја попречуваат способноста на властите ефективно да ги гонат случаите на висока корупција. Од друга страна, во делот за борба против корупција, присутна е и генералната оценка дека нема напредок, а корупцијата останува сериозно загрижувачко прашање“,
се вели во реакцијата на групата граѓански организации.
Конкретните измени на Кривичниот законик се оценети како загрижувачки, според Блупринт-групата, бидејќи влијаат на кривичните постапки, го ограничуваат обемот на истрагите и ја попречуваат способноста на властите ефективно да ги гонат случаите на висока корупција.
Од друга страна, според групата, во делот за борба против корупција, присутна е и генералната оценка дека нема напредок, а корупцијата останува сериозно загрижувачко прашање. Со тоа, се вели во соопштението, се потврдува и загриженоста на Блупринт за давање правна основа на хроничната неказнивост на високите функционери.
Организации од Блупринт-групата за реформи во правосудството се Македонското здружение на млади правници (МЗМП), Институтот за европска политика (ЕПИ), Институтот за човекови права (ИЧП), Коалицијата „Сите за правично судење“ (КСПС), Хелсиншкиот комитет за човекови права и Центарот за правни истражувања и анализи (ЦПИА).