Украинските актери на сцена пред светите ѕидови на Света Софија сакаа, да се претстави изведба на киевскиот театар и да се слушне украинскиот збор, бидејќи културата и јазикот – се услови за опстојување на секоја нација. Што денес за Украина е од особено значење. Користејќи ја оваа прилика, сакам повторно од сé срце да им се заблагодарам на сите коишто го овозможиле доаѓањето и топол дочек на украинскиот театар во градот на светлината, вели Олександр Урбанович, претседател на здружението „Лесја Украинка“
Синоќа, во рамки на фестивалот „Охридско лето 2022“ настапи киевскиот театар „Панас Саксагански“.
„Како резултат на многу напори, пред се, од страна на домаќините – Дирекцијата на Фестивалот ‘Охридско лето’, благодарение на покровителот на фестивалот претседателот на Република Северна Македонија господин Стево Пендаровски, како и на Амбасадата на Украина во Република Северна Македонија и со помош на нашето здружение, украинската театарска трупа по поминати неколку илјади километри и многу граници стигна за да учествува на фестивалот“,
се вели во соопштението од Здружението на Украинци во Македонија „Лесја Украинка“, при што се изразува благодарост за оваа можност и се упатува честитка по повод празникот 2 Август- Илинден.
„И покрај војната, Украинците, секој на свое место, си ја вршат своите работни задачи. Токму затоа, особено задоволство за нас беше учеството на киевскиот Академскиот регионален музички и драмски театар ‘Панас Саксагански’ со театарската претстава од Вилијам Шекспир ‘Кротењето на опаката’ во режија на Викторија Шевченко на годинашното издание на Фестивалот ‘Охридско лето’. Токму со прикажување на оваа комедија, покрај цела трагедија на украинскиот народ, праќаме порака дека Украинците, без оглед на сé, имаат сили и храброст и да се смеат, и да се радуваат на секојдневните нешта, но и да предизвикуваат воодушевување кај другите! Најдобро тоа го кажала познатата украинска поетеса Лесја Украинка, чиешто име го носи нашето здружение, во својата поезија ‘Contra spem spero!’: И низ солзите јас ќе се смеам, сред неволјата песни ќе пеам, и без надеж сепак ќе се надевам, тажни мисли, бестрага! Сакам јас да живеам!“,
се вели во соопштението.
Од Здружението посочуваат дека во најтешките денови на украинската историја, овој театарски тим совлада долг пат за да стигне до Охрид и да ја претстави безвременската Шекспирова приказна, која, како што велат, во нивната изведбата доби поинакво гледиште и прати нова порака.
„Украинските актери на сцена пред светите ѕидови на Света Софија сакаа, да се претстави изведба на киевскиот театар и да се слушне украинскиот збор, бидејќи културата и јазикот – се услови за опстојување на секоја нација. Што денес за Украина е од особено значење. Користејќи ја оваа прилика, сакам повторно од сé срце да им се заблагодарам на сите коишто го овозможиле доаѓањето и топол дочек на украинскиот театар во градот на светлината“,
вели Олександр Урбанович, претседател на здружението „Лесја Украинка“.