Информацијата произлегува по денешната средба на француската амбасадорка Флоренс Робин во Софија со пратеници од Групата за пријателство меѓу Бугарија и Франција во собранието
Предлозите на француското претседателство за укинување на бугарското вето за почеток на преговорите меѓу РС Македонија и Европската Унија ќе бидат доставени во рок од неколку часа, јави БГНЕС.
Информацијата произлегува по денешната средба на француската амбасадорка Флоренс Робин во Софија со пратеници од Групата за пријателство меѓу Бугарија и Франција во собранието.
На состанокот, кој започна во 11 часот, таа рече, според БГНЕС, дека ќе ги достави француските предлози за неколку часа и се надева дека ќе бидат изгласани во наредните денови, како што е договорено.
БГНЕС претходно денеска објави дека премиерот Кирил Петков денеска ќе ги испрати француските предлози до Народното собрание.