Депото на службата „Пајак“ на ЈП ПОЦ ќе работи 24/7 за време на празниците, како и затворените паркиралишта „Дилајла“ со автоматска наплата и „Трготекстил“, каде што наплатата ќе се одвива согласно редовниот режим, се вели во соопштението од ЈП „Паркинзи на Општина Центар“
Паркирањето во Општина Центар за време на новогодишните и божиќните празници ќе биде без наплата за сите граѓани, соопшти денеска ЈП „Паркинзи на Општина Центар“ (ПОЦ).
На 01.01.2026 година (четврток) сите паркиралишта со кои стопанисува ЈП ПОЦ ќе бидат без наплата за сите граѓани. Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 02.01.2026 година (петок) со вообичаено работно време.
И за време на божиќните празници на 06.01. (вторник), 07.01. (среда), сите паркиралишта со кои стопанисува ЈП „Паркинзи на Општина Центар“ ќе бидат без наплата за граѓаните. Редовната наплата за паркирање на паркиралиштата и издавање на договори во Дирекцијата ќе продолжи на 08.01.2026 година (четврток) со вообичаено работно време.
Депото на службата „Пајак“ на ЈП ПОЦ ќе работи 24/7 за време на празниците, како и затворените паркиралишта „Дилајла“ со автоматска наплата и „Трготекстил“, каде што наплатата ќе се одвива согласно редовниот режим, се вели во соопштението од ЈП „Паркинзи на Општина Центар“.