АВМУ не определила време за платено политичко рекламирање за Беса во претстојната кампања, како втора партија во опозиција според резултатите од 2016 година, туку ја ставила во ист пакет со СДСМ, односно коалицијата „Можеме“
Движењето Беса поднесе кривична пријава против Агенцијатa за аудио и аудиовизуелни медиумски услуги (АВМУ) и против претседателот на Советот на оваа Агенција Лазо Петрушевски за „ пречекорување на овластувањата“ и “злоупотреба на службена должност“.
За поднесувањето на кривичната пријава информира преку објава на фејсбук генералниот секретар на Беса, Арјанит Хоџа.
„Како што најавивме пред неколку месеци, денеска поднесовме кривична пријава против АВМУ, поради пречекорување на овластувањата и злоупотреба на службена должност, сакајќи да му наштети на движењето Беса, кое е четврта партија по големина, односно втора опозициска партија според резултатите од парламентарните избори од 2016 година. На остатоците од режимот на ВМРО- ПМНЕ и ДУИ нема да им се дозволи да направат нови преседани со толкување на законите по нивата лична желба или нивните партиските наредби“,
истакнува Хоџа
Причина за тужбата е Упатството за платено политичко рекламирање за време на изборната кампања што претстои, односно тоа што Беса не е вкалкулирана како втора опозициска партија според гласовите од изборите во 2016 година, туку се смета за дел од коалицијата на СДСМ „Можеме“.