Новата цена на еуросупер БС-95 ќе биде 80 денари, еуросупер БС-98 ќе се продава за 82, а еуродизел (Д-Е V) и натаму ќе чини 69 денари за литар
Од ноќеска на полноќ бензините ќе се продаваат по пониска цена, додека дизелот и понатаму ќе биде со сегашната цена.
Малопродажната цена на бензинот еуросупер БС-98 од полноќ се намалува за еден денар, а на еуросупер БС-95 и на екстра лесното масло за домаќинство за 0,50 денари по литар. Цената на еуродизел (Д-Е V) не се менува, а за 0,571 денари поевтинува мазутот М-1 НС, соопшти Регулаторната комисија за енергетика и водни услуги.
Новата цена на еуросупер БС-95 ќе биде 80 денари, еуросупер БС-98 ќе се продава за 82, екстра лесното масло за домаќинство за 67,50, а еуродизел (Д-Е V) и натаму ќе чини 69 денари за литар.
Мазутот М-1 НС ќе се продава по 39,604 за килограм.
Од РКЕ велат дека со оваа одлука се врши намалување на малопродажните цени на нафтените деривати во просек за 0,80 отсто, споредено со претходната одлука за утврдување на малопродажните цени на нафтените деривати и горива од 29.05.2023 година.