На состанокот, како што соопштија о Министерството за економија, се разговарало за протоколите и новите одлуки на Владата од вчерашната седница
По вчерашните одлуки на Владата за рестриктивни мерки за спречувањена ширењето на ковид, со кои се засеегнати угостителите, министерот за економија Крешник Бектеши денеска имаше средба со различни претставници од угостителскиот сектор.
На состанокот, како што соопштија о Министерството за економија, се разговарало за протоколите и новите одлуки на Владата од вчерашната седница.
По состанокот, Бектеши изјави дека се согласиле дека приоритет останува здравјето на граѓаните и дека мора да се почитуваат протоколите што се во сила и дека во наредниот период бројот на заразени и случаи со ковид-19 да се намали за да им се даде простор и на Владата и на Комисијата за заразни болести да не донесуваат нови рестриктивни мерки.
Министерот Бектеши му се заблагодарил на целиот угостителски сектор за разбирањето што го изразиле и дека како Министерство за економија ќе ги поддржи со нови мерки доколку ќе има потреба.