Бектеши даде поддршка за смената на директори во РЕК „Битола“ и во „Осломеј“

Министерот за економија ја поддржа одлуката на Управниот одбор на ЕСМ за разрешување на досегашните и за назначување нови директори

Министерот за економија Крешник Бектеши изрази поддршка за одлуката на раководството на Електрани на Северна Македонија (ЕСМ) за смена на директорите на РЕК „Битола“ и на РЕК „Осломеј“.

„Давам целосна поддршка на одлуката за разрешување на директорите на РЕК ’Битола’ и РЕК ’Осломеј’. Како надлежна институција во областа на енергетиката, Министерството за економија во континуитет бара одговорно, домаќинско и професионално менаџирање на институциите“,

напиша на својот фејсбук профил министерот за економија.

Во објавата, Бектеши повторува дека ќе нема ценовни шокови кај електричната енергија од јануари следната година ниту, пак, рестрикции на електрична енергија.

„Посветено ја следиме работата на сите енергетските компании“,

напиша Бектеши.

Бектеши за Алсат: Рестрикции на струја нема да има, но кризна состојба ќе има

На седница на УО на АД ЕСМ беше донесена одлука за разрешување на директорите на РЕК „Битола“, Златко Ќурчиевски, и на РЕК „Осломеј“, Златко Пиперкоски. За в.д. директор на РЕК „Битола“ е назначен Пеце Матевски, досегашен директор на „Термоелектрана“, а во РЕК „Осломеј“ Стојан Мицкоски, досегашен технички директор во „Рудници“.

Разрешени директорите на РЕК „Битола“ и на РЕК „Осломеј“