Во пресрет на локалните избори, д-р Нико Беќаровски од Клиниката за токсикологија, на својот Фејсбук-профил ги повика кандидатите за градоначалници, парите наменети за изборни кампањи да ги пренаменат за брзи тестови за ковид-19 во училиштата.
„Почитувани кандидати за градоначалник на Скопје, зависни, смешно независни, зелени, камикази …Парите за билборди, реклами по телевизии, пенкалца, запалки, пренаменете ги за брзи тестови за ковид-19 во скопските училишта. Само така може да ме предомислите на 17-ти октомври да не „правам ајвар”“,
напиша Беќаровски.
Инаку, минатата недела министерот за здравство, Венко Филипче, на прес конференцијата по повод отвореањето на пунктот за вакцинација во малата сала во спортскиот центар Борис Трајковски во Скопје рече дека се разгледуваат некои светски искуства за тоа што се прави во училиштата во однос на брзи тестови кај децата.
Рече дека засега не се препорачуваат никакви дополнителни мерки, но може да бидат донесени и други препораки согласно тоа како се одвива состојбата со пандемијата.