Германија ќе го преземе ротирачкото претседателство со Г7 следната година
Следниот самит на Г7 ќе се одржи во Шлос Елмау, во германската покраина Баварија, од 26 до 28 јуни 2022 година, пренесе денеска ДПА.
„Со нетрпение очекуваме целиот свет да дојде во Баварија“,
изјави денеска покраинскиот премиер Маркус Зодер во Минхен.
Германија ќе го преземе ротирачкото претседателство со Г7 следната година, а ќе биде домаќин на лидерите од Франција, Велика Британија, Италија, Јапонија, Канада и САД, пренесува германската агенција.
Германија последен пат беше домаќин на Г7 во 2015 година, кога самитот се одржа на истото место – луксузен хотел во планините во близина на Гармиш-Партенкирхен.