Американскиот претседател во обраќањето нагласи и дека „видел извештаи за голем број прекршувањето на примирјето од страна на борци поддржани од Русија кои се обидуваат да ја испровоцираат Украина во Донбас“
Рускиот претседател Владимир Путин донесе одлука да ја нападне Украина, нагласи во вечерашното обраќање американскиот претседател Џозеф Бајден.
Тој додаде дека Русија има намера да ја нападне Украина во следната недела или денови.
„Русија се обидува да постави лажно оправдување за војна против Украина“,
нагласи Бајден во своето обраќање од Белата куќа.
Американскиот претседател во обраќањето нагласи и дека „видел извештаи за голем број прекршувањето на примирјето од страна на борци поддржани од Русија кои се обидуваат да ја испровоцираат Украина во Донбас“.
„На пример, вчерашното гранатирање на украинска градинка, за кое Русија лажно тврдеше дека е извршено од Украина. Исто така, продолжуваме да гледаме дека сè повеќе и повеќе дезинформации се пласираат во руската јавност, вклучително и сепаратистите поддржани од Русија, тврдејќи дека Украина планира да изврши масовен офанзивен напад во Донбас“,
изјави Бајден.
Видете, рече претседателот на САД, нема докази за тие тврдења, и тоа пркоси на основната логика да се верува дека Украинците би го избрале овој момент, со над 150 000 руски војници распоредени на нејзините граници.
Бајден, сепак, во одговор на новинарски прашања изрази надеж дека дипломатијата може да ја деескалира ситуацијата.
„Дипломатијата секогаш претставува можност“,
истакна вечерва американскиот претседател.
Претходно, пак, портпаролката на руското МНР, Марија Захарова, во интервју за НТВ рече дека Русија никогаш немала и нема намера да ја нападне Украина.
„За тој став писмено го известивме Вашингтон“,
рече Захарова.