Државниот секретар Ентони Блинкен денеска ќе оди во ОН со насоки дека постои дипломатски пат
Инсистираме на повлекување на сите американски вооружени сили во Централна Европа, Источна Европа и Балтикот, соопштија од руското МНР
Претседателот на САД, Џо Бајден, изјави дека САД веруваат дека Русија ќе ја нападне Украина во следните денови, тврдејќи дека имаат причина за тоа.
„Секоја индикација што ја имаме е дека тие се подготвени да одат во Украина, да ја нападнат Украина. Моето чувство е дека тоа ќе се случи во следните неколку дена“,
рече Бајден.
Тој додаде дека руските одговори се испратени, но сè уште не ги прочитал.
Бајден истакна дека државниот секретар Ентони Блинкен денеска ќе оди во ОН со насоки дека постои дипломатски пат.
Американскиот претседател рече дека „не планира да му се јави на Путин“.
Во меѓувреме, Русија соопшти дека би можела воено да одговори доколку Вашингтон не ги исполни нејзините безбедносни барања и сака сите американски војници да заминат од Источна и Централна Европа.
„Во отсуство на волја од американската страна да преговара за цврсти и правно обврзувачки гаранции за нашата безбедност од САД и нивните сојузници, Русија ќе биде принудена да одговори, вклучително и со воено-технички мерки“,
се вели во одговорот на Министерството за надворешни работи на Русија на американските безбедносни предлози.
„Инсистираме на повлекување на сите американски вооружени сили во Централна Европа, Источна Европа и Балтикот“,
се додава во соопштението.