По позитивниот резултат на тестот, тој заврши во изолација и примаше петдневна терапија со pаксловид, лек за третман против коронавирусот
Американскиот претседател Џо Бајден денеска излегува од изолацијата како резултат на ковид-19, откако двапати добил негативен тест, соопшти Белата куќа.
Бајден, пренесе ДПА, минатиот четврток излезе позитивен на тестот за ковид-19 и тогаш неговиот доктор соопшти дека имал „многу благи симптоми“ на вирусот.
Тој отиде во изолација и примаше петдневна терапија со pаксловид, лек за третман против коронавирусот.
Лекарот од Белата куќа, Кевин О’Конор, во писмо до јавноста соопшти дека 79-годишниот претседател синоќа бил негативен на тестот, како и на уште еден тест направен рано утринава.
„Неговите симптоми постојано се подобруваат и речиси целосно надминати“,
напиша О’Конор во писмото.
Дека се враќа назад, како и благодарност за лекарската грижа и за поддршката, на социјалните мрежи подоцна објави и самиот Бајден.