Исто така, биле разгледани и дополнителните санкции и хуманитарната помош објавени минатата недела, додека претседателот Зеленски го информирал Бајден за статусот на преговорите со Русија, соопшти Белата куќа
Aмериканскиот претседател Џо Бајден денеска ќе има телефонски разговор со украинскиот претседател Володимир Зеленски.
Зеленски на Твитер напиша дека нивниот разговор траел еден час и опфаќал проценки за состојбите на теренот како и санкции, помош и „специфична одбранбена поддршка“.
Just finished an hour-long conversation with @POTUS. Shared assessment of the situation on the battlefield and at the negotiating table. Talked about specific defensive support, a new package of enhanced sanctions, macro-financial and humanitarian aid.
— Володимир Зеленський (@ZelenskyyUa) March 30, 2022
Белата куќа попладнево соопшти дека Бајден му рекол на украинскиот претседател дека САД имаат намера да ѝ дадат на Украина 500 милиони долари директна буџетска помош.
„Лидерите разговараа за тоа како Соединетите Држави работат деноноќно за да ги исполнат главните барања за безбедносна помош за Украина и континуираните напори со сојузниците и партнерите да идентификуваат дополнителни можности за помош на украинската војска за одбрана на земјата“,
се вели во соопштението.
Исто така, биле разгледани и дополнителните санкции и хуманитарната помош објавени минатата недела, додека претседателот Зеленски го информирал Бајден за статусот на преговорите со Русија, соопшти Белата куќа.