Американскиот претседател Џо Бајден изјави денеска дека е „малку веројатно“ дека ќе ја посети Украина за време на претстојната европска турнеја.
„За време на таа посета, тоа е малку веројатно“,
им одговори Бајден на новинарите кои го прашаа дали планира да ја посети Украина како дел од турнејата во чии рамки прво оди во Германија во сабота на состанокот на Г7, а потоа во Мадрид на 28 јуни на самитот на НАТО.
Овие два дипломатски собира се одржуваат четири месеци по почетокот на руската инвазија на Украина.
„Тоа зависи од многу работи. Од тоа дали тоа им создава потешкотии на Украинците или не, дали тоа го одвлекува вниманието од она што се случува“,
рече Бајден, додавајќи дека неколку пати неделно разговара со украинскиот претседател Володимир Зеленски.
Американскиот претседател од 13. до 16 јули ќе ги посети Израел, Западниот Брег и Саудиска Арабија.