Американскиот претседател направи нешто невообичаено, на состанокот во Белата куќа со израелскиот претседател во заминување Рувен Ривлин, кога клекна пред неговата советничка во знак на почит
Претседателот на САД, Џо Бајден, има четири деца, но тој очигледно е импресиониран од мајките кои растат повеќе деца.
На состанокот со израелскиот претседател во заминување Рувен Ривлин во Белата куќа во понеделникот, Бајден клекна пред шефицата на кабинетот на Ривлин, Ривка Равик, во знак на почит кон фактот дека има 12 деца. За моментот известуваа повеќе медиуми, проследувајќи ја фотографијата од од моментот, што ја направи член на Израелската канцеларија за печат, кој ја придружувашр израелската претседателска делегација во Вашингтон, пренесува „The times of Israel“.
Ривлин, на прошталната средба со Бајден, бидејќи неговата посета на САД беше последна на функцијата претседател на државата, рече дека Ривка Равик (45), којa со години му е клучен советник, покрај одговорната работа, се грижи и за толку големо домаќинство.
Таа беше со Ривлин и додека тој беше пратеник на Ликуд, министер за комуникации и претседател на Кнесетот.
Ривлин (81) следната недела ќе биде заменет од страна на поранешниот пратеник и министер Јицак Херцог (60), син на поранешниот шеф на државата Хаим Херцог и поранешен шеф на невладината организација „Еврејска агенција за Израел“, која ги поврзуваше Евреите низ целиот свет од 1929 година.