Кинеското Министерство за надворешни работи соопшти дека Си му рекол на Бајден дека војната во Украина мора да заврши што е можно поскоро
Американскиот претседател Џо Бајден му ги укажал на својот кинески колега Си Ѓинпинг последиците од каква било поддршка за Русија во нејзината војна против соседна Украина, соопшти денеска Белата куќа.
„Тој ги истакна импликациите и последиците доколку Кина и даде материјална поддршка на Русија додека врши брутални напади врз украинските градови и цивили“,
се наведува во соопштението на Белата куќа.
Бајден и Си денеска имаа речиси двочасовен телефонски разговор.
Кинеското Министерство за надворешни работи соопшти дека Си му рекол на Бајден дека војната во Украина мора да заврши што е можно поскоро и ги повика земјите од НАТО да одржат дијалог со Москва. Тој, сепак, не ја префрли вината на Русија за инвазијата, пренесува Ројтерс.
„Главните приоритети сега се продолжување на дијалогот и преговорите, избегнување на цивилни жртви, спречување на хуманитарна криза, прекин на борбите и завршување на војната што е можно поскоро“,
рече Си.