Четворица загинаа, а најмалку дваесетина луѓе се повредени откако автомобил влета на карневал во јужна Белгија. На настанот биле собрани над 150 луѓе, во костими и со тапани, кои се подготвувале за годинешната фолклорна парада во малото гратче Стрепи-Бракени.
„Автомобил возеше со голема брзина наназад. Имаме неколку десетици повредени и за жал неколку луѓе кои се убиени“,
изјави градоначалникот Жак Гобер.
Дел од медиумите објавија дека несреќата можеби била предизвикана поради тоа што автомобилот го бркала полиција. Според други медиуми пак, сè уште не се разјаснети причините за несреќата.
Патниците во автомобилот се приведени.
