Сообраќајната несреќа се случила на патот Скопје кон ГП „Блаце“, а во неа учествувале возило „фолксваген“ со скопски регистарски таблички и возило „бмв“ со косовски регистерски таблички, кое по несреќата паднало во реката Лепенец
Екипи од Одделот за специјални полициски операции трагаат по три лица во реката Лепенец кои биле во возило што излетало од патот и паднало во реката.
Според информациите од Министерството за внатрешни работи, денеска, на патот од Скопје кон граничниот премин „Блаце“ се случила сообраќајна несреќа во која патничко возило „бмв“ со косовски регистарски таблички по несреќата паднало во реката Лепенец.
„Денеска, околу 15 часот, е пријавено дека на патот Скопје – ГП ‘Блаце’ се случила сообраќајна несреќа во која учествувале патничко возило ‘фолксваген’ со скопски регистарски таблички, управувано од Б. Б. од Скопје и патничко возило ‘бмв’ со косовски регистарски таблички, управувано од Н. П. од Косово, кое по несреќата паднало во реката Лепенец“,
информираат од МВР.
Од полицијата информираат дека во возилото „бмв“ покрај возачот имало и тројца сопатници.
„Едно лице е извадено од реката и пренесено во ГОБ ‘8 Септември’, а по останатите три лица се трага“,
додаваат од МВР.