Сега во игра се тројца кандидати, меѓу кои и поранешниот канцелар Себастијан Курц, кој неславно ја напушти функцијата канцелар, по обвинувањата дека се занимавал со поткуп
Австрискиот канцелар Карл Нехамер, претседател на Австриската народна партија (ОВП), вечерва објави дека поднесува оставка по неуспехот на преговорите со Социјалистичката партија на Австрија (СПО) за формирање нова влада.
Како што објави Нехамер на социјалните мрежи, и покрај долгите преговори со социјалистите, тоа веќе не е корисно и затоа одлучил да поднесе оставка.
Третиот коалициски партнер, партијата НЕОС, веќе „испадна“ од игра.
Wir haben lange und redlich verhandelt. In wesentlichen Punkten ist mit der SPÖ keine Einigung möglich. Die Volkspartei steht zu ihren Versprechen: Wir werden leistungs- und wirtschaftsfeindlichen Maßnahmen oder neuen Steuern nicht zustimmen. Daher beenden wir die Verhandlungen… pic.twitter.com/evKgQbtTwq
— Karl Nehammer (@karlnehammer) January 4, 2025
Според него, преговорите влегоа во ќор-сокак, па затоа се решил на овој чекор.
„Се обидовме до овој момент. Не е можно да се договориме за суштинските клучни точки“,
рече тој.
Се очекува тој да ја напушти и Австриската народна партија.
Сега во игра се тројца кандидати, меѓу кои и поранешниот канцелар Себастијан Курц, кој неславно ја напушти функцијата канцелар, по обвинувањата дека се занимавал со поткуп.
Како двајца други можни наследници се споменуваат Каролина Едштадлер и Волфганг Хатмансдорфер.