Австрија размислува повторно да воведе контрола на границата со цел спречување на ширењето на коронавирусот, најави министерот за надворешни работи Александер Шаленберг.
Тоа ќе се преземе доколку продолжи да се зголемува бројот на новозаразени со вирусот.
„Тоа што воспоставивме „зелен појас“ со цел граѓаните непречено да ја минуваат границата не значи дека не ја следиме ситуацијата. Доколку се покаже дека има потреба, секако повторно ќе воведеме контролни мерки“,
изјави Шаленберг за Австриската информативна агенција (АПА).
Австрија веќе ги отвори своите граници за 31 европска држава.