Оваа промена во правилата за изолација беше објавена минатата недела, а сега стапи во сила
Во Австрија во сила е новото правило за изолација за лицата што биле во контакт со заразено лице со коронавирус, а не се целосно имунизирани.
Овие луѓе повеќе не мора да бидат ставени во карантин, но имаат други ограничувања.
Така, тие мора да носат маска FFP2 кога се во контакт со други луѓе, и внатре и на отворено, забрането им е да посетуваат ресторани, дискотеки или фитнес-клубови, места каде што не е можно да се носи маска, забрането им е да одат и на поголеми настани, како концерти, спортски натпревари и слично.
Она што може да го прават е со маска да одат на шопинг, на работа.
Оваа промена во правилата за изолација беше објавена минатата недела, а сега стапи во сила.
Посебно е специфична препораката, овие лица ако биле во контакт со заразени лица да ја носат маската FFP2 во приватна средина, доколку не се сами.
Што се однесува до целосно имунизираните лица што биле во контакт со заболените, за нив нема ни изолација ни дополнителни мерки.
Се очекува министерот за здравство дополнително да ги ублажи правилата за изолација за заразениот персонал во болниците и установите.