Нашиот предлог е земјите од регионот чекор по чекор од една област во друга, без разлика дали е енергетика, сообраќај или нешто друго, да ги третираме како полноправни членки. Европската перспектива не е еднонасочна улица, порача австрискиот министер
Австрискиот министер за европски и меѓународни прашања Александар Шаленберг денеска во Србија на претседателот Александар Вучиќ му го претставил нон-пејперот на Австрија за процесот на проширување на Европската Унија (ЕУ) со Западен Балкан.
„Шаленберг му го претстави на Вучиќ нон-пејперот кој Австрија неодамна го проследи до земјите-членки на ЕУ со желба да го направи процесот на проширување на ЕУ многу поопиплив, но и да создаде можност земјите-кандидатки постепено да се интегрираат во политиките на Европската унија од кои сите ќе имаат корист“,
соопштија од прес-службата на српскиот претседател.
Претходно австрискиот министер на прес-конференцијата со шефот на дипломатијата Никола Селаковиќ кажа повеќе во врска со австрискиот нон-пејпер.
„Нашиот предлог е земјите од регионот чекор по чекор од една област во друга, без разлика дали е енергетика, сообраќај или нешто друго, да ги третираме како полноправни членки. Европската перспектива не е еднонасочна улица. Се соочуваме со радикален потрес на нашиот безбедносен систем во Европа. Никој не може да се надева дека ќе биде само посматрач од страна“,
рече тој.
Тој објасни дека предлогот на таа земја претставен во нон-пејперот нема никаква врска со војната во Украина, туку се работи за добро познатиот став на Австрија, дека европската перспектива на земјите кандидати мора да биде поконкретна.
„Важно е да се нагласи една работа, идејата што ја презентиравме во нон-пејперот, тој австриски предлог нема никаква врска со рускиот напад врз Украина. Тоа се идеи што делумно ги изнесувам долго време“,
рече Шаленберг.
Како што појасни, станува збор за идејата наместо да се размислува „во шаблони“, што подразбира дека постои целосен пристап, а пред тоа преговори, додека помеѓу постои само економски простор, не може да се продолжи исклучиво со тоа.
Тој рече дека процесот на евроинтеграции е премногу бирократски и мора да се најде начин луѓето во ЕУ, но и во земјите кандидати да имаат чувство дека членството во Унијата е нешто за што сериозно се размислува и дека веќе има конкретни резултати.
„Се работи на тоа да се започне дебата. Австрија е толку тесно поврзана со регионот што наш суштински, личен и геостратегиски интерес е овој регион да се развива во насока на просперитет. А тоа ќе биде можно само во ЕУ“,
рече Шаленберг.