Станицата за технички преглед и регистрација на моторни возила ПСС даде донација, но во Македонскиот полициски синдикат. Таа се состои од заштитни маски и средства за дезинфекција
Агенцијата за аудио и аудиовизуелни медиумски услуги (АВМУ) му донираше еден милион евра на Министерството за внатрешни работи (МВР) со кои треба да се купат средства и опрема за полицијата која работи на спроведување на мерките за превенција од коронавирусот.
Станицата за технички преглед и регистрација на моторни возила ПСС (Power Sport System), пак, исто така даде донација, но во Македонскиот полициски синдикат. Таа се состои од заштитни маски и средства за дезинфекција.
Договорот помеѓу АВМУ и МВР вчера го потпишале директорот Зоран Трајчевски и министерот Наќе Чулев.
Министерот за внатрешни работи Наќе Чулев потпиша договор за донација во висина од еден милион денари со првиот човек на Агенцијата за аудио и аудиовизуелни медиумски услуги (АВМУ), Зоран Трајчевски.
„Овој чин на донација од еден милион денари што Министерството ја добива од АВМУ во насока на натамошно обезбедување разни заштитни средства за потребите на полициските и други службеници на Министерството е еден одличен пример за меѓусебна поддршка и помагање во реализирањето на заедничките цели за заштита на нашите граѓани и на нашето општество“,
пишува во соопштението од МВР.
Македонскиот полициски синдикат (МПС) во својата благодарност посочува дека станува збор за општествено одговорна компанија која уште еднаш ја покажала својата солидарност. Од Синдикатот потсетуваат и дека продолжува изработка на заштитни маски за лице во конференциите „Еам“ од Штип, „Кули“ од Прилеп, „Даниел Кристенсен“ од Кочани, како и во „Дуки Дасо“ од Неготино.
„Исто така компанијата ХИДРОС од Скопје, „Арис“ и „Бенто ни“ од Куманово, „Sубекс“ од Виница, Центар за возила Струга, Анжи од Тетово и останати фирми кои инсистираат на анонимност поради нивната скромност, во овие тешки мигови кога се соочуваат со загуби се одважија и солидарно самите понудија, можеби мала, но за нас помош голема како планина во заштитна опрема и средства за дезинфекција која на полициските службеници на терен ќе им овозможи непречено и безбедно да работат и да ги извршуваат своите задачи во услови на пандемија“,
велат од МПС.